السلام عليكم ورحمة الله وبركاته
المقادير كالتالي :
4 بيضات
كأس حليب
2 خمارات ألزا
كأس زيت
2 كيسان سكر
3 ملاعق كبار بودرة الشكلاط
قشرة برتقالة محكوكة
3 كؤوس دقيق (نفس الكأس كنعبرو بيه كل شي: كأس شاي)
قبصة ملح
عصير برتقالة
50 غرام كاوكاو محمر ومهرمش
طريقة التحضير :
في الخلاط نضربو البيض مع السكر والزيت وقشرة البرتقال محكوك وكأس الحليب
نصبه في إناء نضيف الدقيق مع بودرة الشكلاط والخميرة وقبصة الملح مغربلين
نخلطو كلشي ومن بعد نصبو العجينة في مول مدهون بالزبدة ومرشوش بالدقيق
ندخلو الكيكة تنضج في فرن معتدل لمدة ساعة الا ربع حتى تتحمر من كل الجوانب
من بعد نحضرو عصير البرتقال :
ننعملو العصير في كسرونة حتى يغلى (الا كان البرتقال حامض ديري السكر حسب الرغبة) انا كان عندي العصير حلو لذلك لم أضف السكر
اسقي الكيكة بالعصير الساخن وهي كذلك ساخنة ورفعي الجوانب ديالها باش تمتص العصير مزيان
رشيها بكاوكاو محمر ومهرمش ثم دخليها الثلاجة حتى تبرد مزيان وقطعيها حسب الرغبة وقدميها بالصحة والراحة
موضوع: كيكة 
الأربعاء فبراير 27, 2008 11:49 am
